Karguak udal-hauteskundeen ondoren izendatzen dira, Udalen eraketaren hurrengo lau hilabeteko epean, horretarako deitutako Ez-ohiko Batzar Orokorrean.

Zuzendaritza Batzordeak egiteko hauek ditu:

• Estatutuak aplikatu eta interpretatu.
• Ohiko zein Ez-ohiko Batzar Orokorretan hartutako erabakiak betearazi.
• Ekitaldiko txostena egin, eta onetsi nahiz ezetsiak izateko, Batzarrari aurkeztu beharreko iharduketa-ildoak proposatu.
• Kontuak eraman, balantzea formalizatu eta Batzarrean bozketara eramateko aurrekontua burutu.
• Asoziazioaren iharduerarako beharrezkoak diren kontratu, hitzarmen eta bestelako ekintzak egin.
• Lankidetzarako egitasmo eta programa guztietatik, hala dagokionean, Batzar Orokorraren onespena jaso behar dutenak aukeratu eta onartzen direnen jarraipena egin.
• Asoziazioaren izenean, Zuzendaritza-Batzordeak erabakitzen dituen ekintzak burutu.
• Kreditu-erakunde edo Bankuetan, kontu korronteak ireki, mantendu edo itxi.
• Kide berrien sarrera-eskariak aztertu, eta hala badagokio, alta eman (15 a art.).
• Batzar Orokorrari dagozkion premiazko izaeradun gaiak ebatzi, nahiz eta hurrengo Batzar Orokorrean bozketan jarri beharko dituen.